Coordonné par l’Institut Européen de la Santé des Femmes
www.eurohealth.ie/cancom/re
TUMEUR TROPHOBLASTIQUE
Le tumeur la i produi a li pli souven chez le band fanm ke lé en age avoir marmaill. C un type de cancer ke lé rar, band cellul cancéreuse i dévelop a zot dan band tissu ke lé formé apré le conception (c oussa le band spermatozoïde ek le band ovul i rejoin zot). Li démar a l’intérieur de l’utérus. I exist 2 type de tumeur :
1- Mole hydatiorme/Grossesse molair
-
Dan k la, le band cellule spermatozoïde ek l’ovule lé associé, mai na poin bébé i dévelop dan l’utérus.
-
Na un tissu i form et li ressemb a un grap de kyste.
-
Li p répandr a li dan dot parti lo kor.
2-Choriocarciome
-
Li p démaré a partir d’un mol hydatiforme ou bien a partir de band tissu ke i rest kan ou la fini fai avorté, apré un accouchemen ou bien si ou la fai un fauss couch.
-
Li p répande a li de l’utérus dan dot parti lo kor.
LE BAND SIGNE EK LE BAND SYMPTÔME
Lé pa facil de détecte le band sign ek le band symptome, car cancer la au débu li ressenm un grossesse normal.
Ou doi allé oir ot docteur direc si :
-
ou saigne du vagin
-
out utérus i grossi apré out accouchement, un avortemen ou un fauss couch
-
ou lé enceinte et ke ou la pas senti le bébé bougé dan lé tem prévu
-
ou vomi un ta
LE BAND EXAMEN
Si out docteur i suspect la présence de cancer la, i faudra fé un ta examen pou gagn détecte a li.
Tou sa la i compren un examen pelvien interne ek band ultrasons. I va fé un analyse le san pou détermine le taux band hormone pendant le grossesse. Si ou lé pa enceinte et ke le band hormone lé dan san, c peu etr le sign d’un tumeur trophoblastique.
TRAITEMENT
La chrirugie ek la chimiothérapie c le band 2 type de traitement ke lé utilisé pou cancer la. La radiothérapie i p etr égalemen utilisé dan 2,3 ka – le type de traitement i fo choisi i va dépend si le cancer la fini étend a li un ta, de out lage ek out léta santé.
